Nuk kalon buxheti i Junikut, reagon kryetari: Për këtë arsye pas 12 tetorit s’do të ketë balotazh

Kryetari i Komunës së Junikut, Ruzhdi Shehu, ka njoftuar mos-miratimin e buxhetit komunal për vitin 2026.

Sipas Shehut, arsye e dështimit ka qenë mos-prezenca e asamblistëve të AAK-së dhe LVV-së, në mbledhjen e jashtëzakonshme, shkruan IndeksOnline.

“Paradoksalisht, këto parti e kanë gojën plot me premtime elektorale të mëdha. Mirëpo asnjë projekt në Junik nuk do mund të realizohet sepse vet ata sot nuk e miratuan buxhetin. Prandaj edhe premtimet e tyre janë të pasinqerta” u shpreh kryetari Shehu.

Ky është reagimi i plotë i tij:

Të dashur junikas,

Sot Kuvendi Komunal i Junikut ka mbajtur mbledhje të jashtëzakonshme ku pikë e vetme e rendit të ditës ka qenë miratimi i buxhetit të Junikut për vitin 2026.

Asambleistët nga partitë AAK dhe VV nuk kanë qenë prezent në këtë mbledhje. Për pasojë nuk ka pasur kuorum dhe nuk është miratuar buxheti i Komunës për vitin 2026.

Paradoksalisht, këto parti e kanë gojën plot me premtime elektorale të mëdha. Mirëpo asnjë projekt në Junik nuk do mund të realizohet sepse vet ata sot nuk e miratuan buxhetin. Prandaj edhe premtimet e tyre janë të pasinqerta.

Mirëpo fitorja e LDK në Junik më 12 Tetor do të jetë madhështore. Për këtë arsye duhet të votohen edhe kandidatët tanë për Kuvendin Komunal.

Balotazh nuk do të ketë dhe LDK në Junik do të vazhdoj +4.