Artan Abrashi: Fitorja e Lëvizjes në Prizren do të festohet edhe në Krajk të Hasit

Kandidati për kryetar të Komunës së Prizrenit nga Lëvizja Vetëvendosje, Artan Abrashi, ka theksuar edhe një herë lidhjen me qytetarët e zonës së Hasit, duke deklaruar se fitorja e Lëvizjes do të festohet pikërisht aty – në Krajk.

“Në Krajk të Hasit, me njerëzit e përkushtuar që na japin forcë çdo ditë, do ta festojmë fitoren e Lëvizjes në Prizren,” tha Abrashi, duke falënderuar të gjithë ata që po e mbështesin në këtë garë vendimtare.

Ai shtoi se përkushtimi dhe mbështetja e qytetarëve të Hasit dhe të gjithë Prizrenit janë burimi i energjisë së tij për të çuar përpara ndryshimin që qyteti ka nevojë.

“Faleminderit për besimin tuaj – jemi më afër se kurrë drejt një Prizreni të drejtë, të zhvilluar dhe me qeverisje që punon për njerëzit,” përfundoi Abrashi.