Prishtina 01 në mesin e 16 skuadrave më të mira në Evropë

Kampioni i Kosovës në futsall, Prishtina 01 ka shkruar historinë, duke u kualifikuar në mesin e 16 skuadrave më të mira në Evropë.

Skuadra nga kryeqyteti harroi humbjen e djeshme ndaj Sporting, duke fituar sonte ndaj skuadrës kroate, Novo Vrijeme, me rezultat 7-6, shkruan IndeksOnline.

Futbollisti Halim Selmanaj ishte më meritori për këtë fitore, duke shënuar tre gola.

Me nga një gol kontribuan edhe Arif Limani, Jeton Rukovci, Fitim Krasniqi dhe Ramadan Alaj.

Prishtina 01 do ta zhvillojë edhe një ndeshje në fazën e grupeve, ku do të përballet me skuadrën nga Kazakistani, Kairat./IndeksOnline/