Nga Ismeti te Ndua, Dukagjini zyrtarizon pasuesin e Munishit

Një ditë pasi u largua Ismet Munishi, Dukagjini ka zyrtarizuar trajnerin e ri.

Skuadra nga Klina ka njoftuar se klubi tashmë do të udhëhiqet nga Ndue Përgjokaj, shkruan IndeksOnline.

Ai në kohën e fundit ka qënë pjesë e stafit teknik të Dukagjinit.

”KF Dukagjini njofton se Ndue Përgjokaj është emëruar kryetrajner i ekipit të parë.

Përgjokaj ka qenë pjesë e stafit teknik të klubit gjatë kësaj periudhe, ku ka treguar profesionalizëm, përkushtim dhe njohje të mirë me grupin dhe mënyrën e punës në klubin tonë.

Ne i urojmë trajnerit Përgjokaj shumë suksese në detyrën e re, me besimin se do të vazhdojë punën me përkushtim dhe do të kontribuojë në arritjen e objektivave të klubit.”, thuhet në njoftim./IndeksOnline/