Si ndodhi rrahja me sëpatë në Istog? Pamjet shpërfaqin rastin
IndeksOnline ka raportuar më herët rreth një incidenti në qendër të Istogut, ku një person u sulmua me sëpatë.
Në pamjet e siguruara nga IndeksOnline shihet se si viktima bën hapa mbrapa, teksa i dyshuari me sëpatë në dorë i kanoset fizikisht.
Burime të IndeksOnline pohojnë se viktima e këtij sulmi është Isuf Zeqiraj, i cili ka pësuar lëndime trupore dhe po trajtohet në spitalin e Pejës.
Ndërkaq, i dyshuar është A.Rraci.
Rastin e ka konfirmuar edhe zëdhënësi i policisë për rajonin e Pejës, Fadil Gashi.
“Njëri nga të përfshirët ka pësuar lëndime të rënda dhe është transportuar për trajtim mjekësor në Emergjencën e Spitalit Rajonal të Pejës.
Personi i dyshuar, i cili sipas Policisë është i njohur për organet e rendit, ka arritur të largohet nga vendi i ngjarjes dhe aktualisht është në kërkim” deklaroi Gashi.
