Infantino merr nënshtetësinë e një shteti arab

Presidenti i FIFA-s, Gianni Infantino, së shpejti do të marrë shtetësinë libaneze.

Infantino, i cili ka lindur në Zvicër nga emigrantë italianë, është i martuar me një grua libaneze. Sipas një deklarate, presidenti i Federatës Libaneze të Futbollit, Hashem Haidah, e kishte uruar tashmë Infantinon për dhënien e shtetësisë libaneze nga Presidenti Joseph Aoun.

“Nuk e kam marrë ende, por së shpejti”, tha presidenti i FIFA-s, duke shtuar: “Ndihem shumë mirë, ndihem shumë krenar dhe i lumtur”.

Ai tha se ndihej libanez për një kohë të gjatë dhe se ishte mirë që tani e bëri zyrtare.

Raportet tregojnë se Aoun i kishte kërkuar Infantinos në një takim të ndërmerrte hapat e nevojshëm drejt natyralizimit.

I pyetur se si FIFA mund ta ndihmonte vendin e shkatërruar nga lufta dhe kriza, Infantino tha se ata po shqyrtonin ndërtimin e një stadiumi modern futbolli për 20,000 ose 30,000 spektatorë, ku ekipi kombëtar mund të luante ndeshje ndërkombëtare.

“Populli i Libanit e meriton këtë”, tha presidenti i FIFA-s./Indeksonline/