Ushtarët bullgarë të KFOR-it zhvillojnë stërvitje të avancuar në jug të Kosovës

Bulgarianët nga Batalioni Kinetik i Komandës Rajonale Perëndim (RC-W), pjesë e misionit të udhëhequr nga NATO – KFOR, kanë përfunduar një ushtrim pesë-ditor në zonën e Dragashit/Dragash.

Ushtrimi u fokusua në përmirësimin e kapaciteteve të survejimit përmes kombinimit të patrullimeve të motorizuara dhe atyre në këmbë, me qëllim ruajtjen e efektivitetit operacional të KFOR-it në monitorimin dhe kontrollin e terrenit, shkruan IndeksOnline.

Sipas njoftimit zyrtar, ushtrimet e tilla luajnë një rol të rëndësishëm në ruajtjen e një pranie të dukshme dhe të paanshme në zonë, duke rritur vetëdijen situacionale dhe duke kontribuar në stabilitetin e përgjithshëm në sektorin e RC-W.

KFOR vazhdon të zbatojë mandatin e tij të bazuar në Rezolutën 1244 të Këshillit të Sigurimit të OKB-së, për krijimin e një mjedisi të sigurt për të gjithë banorët e Kosovës dhe për garantimin e lëvizjes së lirë në çdo kohë. Misioni vepron në bashkëpunim të ngushtë me Policinë e Kosovës dhe EULEX-in, në rolet e tyre si institucione të sigurisë dhe zbatimit të ligjit./IndeksOnline/