75 Mall Live Search
10:08 / E Diele, 30 Nëntor 2025 / B XH

Policia shqiptoi 1716 gjoba trafiku për 24 orë

Policia e Kosovës ka publikuar raportin ditor me të dhëna të përgjithshme për 24 orët e fundit, duke përfshirë statistikat e aksidenteve në trafik, arrestimet dhe gjobat e shqiptuara.

Sipas raportit, në këtë periudhë nuk është shënuar asnjë aksident trafiku me fatalitet, ndërsa janë regjistruar 35 aksidente me të lënduar dhe 51 të tjera me dëme materiale.

Policia ka vazhduar zbatimin e rregullave në komunikacion, ku brenda një dite ka shqiptuar gjithsej 1716 gjoba trafiku.

Në këtë periudhë policia ka arrestuar 7 persona, prej të cilëve 3 i ka dërguar në mbajtje.