Eksploziv në derën e shtëpisë së 63-vjeçares në Vlorë, dëme materiale pa viktima

Një ngjarje e rëndë ka ndodhur mbrëmjen e djeshme në Vlorë, kur një shpërthim i lëndës plasëse ka ndodhur në portën e jashtme të banesës së një 63-vjeçares.

Policia e Shtetit njoftoi se, fatmirësisht, shpërthimi ka shkaktuar vetëm dëme materiale dhe asnjë person nuk ka mbetur i lënduar. Autoritetet janë duke punuar për të identifikuar dhe kapur autorët e ngjarjes, shkruan tch.

Njoftimi i Policisë:

“Po këta specialistë referuan materiale në Prokurori pasi, më datë 29.11.2025, rreth orës 23:38, në rrugën ‘Ali Demi’, lagjja ‘Partizani’, në portën e jashtme të banesës së shtetases B. Z., 63 vjeçe, ka shpërthyer një sasi lënde plasëse, nga e cila janë shkaktuar vetëm dëme materiale. Nën drejtimin e Prokurorisë vijon puna për identifikimin, kapjen e autorëve dhe dokumentimin e plotë të ngjarjes.”