Kremlin: Putin po takohet me negociatorët nga SHBA-ja

Nga brenda Kremlinit janë publikuar pamjet e para të takimit mes presidentit rus Vladimir Putin dhe ekipit negociator të presidentit amerikan Donald Trump, një takim ky i shumëpritur në kuadër të bisedimeve mbi konfliktin në Ukrainë.

Putin e priti emisarin kryesor të Trump për Ukrainën,  Steve Witkoff, me fjalët: “Shumë i lumtur që ju shoh.” Witkoff e përshkroi Moskën si një “qytet të mrekullueshëm”, teksa të dy shkëmbyen përshëndetje para fillimit të diskutimeve.

Në krah të djathtë të Putinit qëndron këshilltari i tij i lartë për politikën e jashtme, Yuri Ushakov, ndërsa dy vende më tej në të majtë është i dërguari i Kremlinit Kirill Dmitriev. Përballë delegacionit rus, ulur në qendër është Witkoff, i shoqëruar nga Jared Kushner, dhëndri dhe këshilltari i afërt i Trump-it.

Në tryezë janë të pranishëm edhe përkthyesit, të cilët po asistojnë palët gjatë komunikimit.

Takimi pritet të fokusohet në mundësitë për një marrëveshje diplomatike mbi Ukrainën dhe në rikonfigurimin e marrëdhënieve SHBA–Rusi në rast të rikthimit të Trump-it në Shtëpinë e Bardhë.