Haradinaj për “Sarajevo Safari”-n: Nëse Serbia dënohet për gjenocid, për ne është fitore

Ish-nënkryetari i OVL të UÇK-së, Nasim Haradinaj, ka komentuar detajet e reja që janë publikuar nga gazeta gjermane Frankfurter Sonntagszeitung (FAS) rreth fenomenit “Sarajevo Safari”, ku përmendet edhe presidenti serb, Aleksandar Vuçiq.

Haradinaj tha se nëse Serbia dënohet si shtet për gjenocid, kjo do të ishte fitore për vendin tonë.

Sipas tij, pavarësisht mundësisë së dënimit, mendësia e serbëve nuk ndryshon.

“Nëse Serbia dënohet për gjenocidin në Kosovë, për ne do të jetë fitore. Mendësia e serbëve nuk ndryshon, se ata qysh në djep mësohen me qenë njerëz okupues, me pushtu, sidomos në urrejtje. Por, politikat ndryshojnë nëse Serbia dënohet për gjenocidin”, tha Haradinaj në Klankosova.