Finalja e Superkupës së Italisë, rast i mirë për Rrahmanin që ta mbyllë vitin me trofe

Sonte do të luhet finalja e madhe e Superkupës italiane midis Napolit dhe Bolognas.

Ajo do të zhvillohet në Riad të Arabisë Saudite, ashtu si çdo vit.

Napoli, arriti finalen pasi mposhti kampionin në fuqi të kësaj gare, Milanin ndërsa Bologna mposhti Interin përmes penalltive.

Kjo është një mundësi e vërtetë për kapitenin e Përfaqësueses sonë, Amir Rrahmani që ta mbyllë vitin 2025 me një tjetër trofe.

Kujtojmë se ndeshja do të zhvillohet sonte në orën 20:00./IndeksOnline/