Imami Labinot Maliqi merr mirënjohje nga policia e kryeqytetit
Imami i njohur, Labinot Maliqi, ka pranuar mirënjohje nga drejtoria rajonale e policisë në Prishtinë, në shenjë vlerësimi për bashkëpunim të qëndrueshëm, korrektësi dhe kontribut të dhënë në shërbim të interesit të përgjithshëm.
Mirënjohja iu nda nga nënkoloneli Basri Shabani, shkruan IndeksOnline.
“Kjo mirënjohje ka një peshë të veçantë morale dhe institucionale, pasi përfaqëson jo vetëm një vlerësim formal, por edhe një dëshmi të besimit, respektit dhe partneritetit të ndërsjellë ndërmjet institucioneve dhe komunitetit. Ajo shërben si motivim dhe përgjegjësi shtesë për të vazhduar angazhimin me seriozitet, përkushtim dhe integritet. Drejtori Rajonal, Nënkolonel Basri Shabani, ishte i shoqëruar nga Nënkolonel Fatos Haziri, çka i dha këtij akti karakter të lartë zyrtar dhe konfirmoi vullnetin institucional për forcimin e bashkëpunimit dhe koordinimit të vazhdueshëm” u shpreh Maliqi.
Ky është njoftimi i plotë i tij:
Sot pata nderin e jashtëzakonshëm dhe privilegjin e veçantë të pranoj një mirënjohje të lartë nga Drejtori Rajonal i Policisë në Prishtinë, Nënkolonel Basri Shabani, si shprehje e vlerësimit për bashkëpunimin e qëndrueshëm, korrektësinë profesionale dhe kontributin e dhënë në shërbim të interesit të përgjithshëm.
Kjo mirënjohje ka një peshë të veçantë morale dhe institucionale, pasi përfaqëson jo vetëm një vlerësim formal, por edhe një dëshmi të besimit, respektit dhe partneritetit të ndërsjellë ndërmjet institucioneve dhe komunitetit. Ajo shërben si motivim dhe përgjegjësi shtesë për të vazhduar angazhimin me seriozitet, përkushtim dhe integritet. Drejtori Rajonal, Nënkolonel Basri Shabani, ishte i shoqëruar nga Nënkolonel Fatos Haziri, çka i dha këtij akti karakter të lartë zyrtar dhe konfirmoi vullnetin institucional për forcimin e bashkëpunimit dhe koordinimit të vazhdueshëm.
Policia e Kosovës përfaqëson një nga shtyllat kryesore të stabilitetit, rendit dhe sigurisë në vend, si dhe një ndër institucionet më të besuara dhe më të respektuara në Republikën e Kosovës. Zoti i shpërbleftë dhe i ruajttë nga çdo e keqe.
