Avokatja e njohur kërkon kompensim prej 50 miliardë eurosh për familjet e viktimave në Crans-Montana

Avokatja e njohur italiane dhe personaliteti televiziv, Annamaria Bernardini ka kritikuar shtetin e Zvicrës për tragjedinë e Crans Montanas.

Ajo është veçanërisht e indinjuar nga mungesa e dukshme e masave paraprake të sigurisë në vend. Në një lokal të mbushur me njerëz, kishte vetëm një dalje emergjence, e cila ishte gjithashtu e mbyllur – sipas saj, nga frika se mos të rinjtë largoheshin pa paguar. Ajo beson se lakmia ka tejkaluar sigurinë.

Bernardini fajëson jo vetëm operatorët, por edhe autoritetet: bashkia, kantoni dhe Qeveria federale që sipas saj e neglizhuan mbikëqyrjen.

Ajo gjithashtu kritikon qasjen e hetuesve, duke vënë në dukje se ata nuk kryen sekuestrime apo mbikëqyrje dhe se arrestimet u kryen vetëm pas dhjetë ditësh.

Gjatë kësaj kohe, paralajmëron ajo, provat mund të jenë manipuluar ose asetet mund të jenë transferuar.

Avokatja po bën thirrje për krijimin e menjëhershëm të një fondi prej të paktën 50 miliardë eurosh për të kompensuar viktimat./Indeksonline/