Ministri turk: Kapen 17 të kërkuar nga drejtësia, përfshirë një në Kosovë – u arrestuan dhe u sollën në Turqi

Autoritetet turke kanë njoftuar se 17 persona të kërkuar janë arrestuar gjatë një operacioni të përbashkët me 11 vende evropiane, përfshirë edhe një shtetas turk në Kosovë.

Sipas njoftimit të autoriteteve, M.U., i akuzuar për “Abuzim Seksual me Fëmijë, Privim të Lirisë së Personit”, u arrestua në Kosovë dhe u dorëzua në Turqi.

Ministri i Brendshëm i Turqisë, Ali Yerlikaya, përmes një postimi në rrjetet sociale, foli për këtë operacion të madh në bashkëpunim me Interpolin dhe Europolin:

“Në kuadër të njoftimit të kuq dhe difuzionit të kuq, gjithsej 17 të arratisur – 12 në nivel ndërkombëtar dhe 5 në nivel kombëtar – janë arrestuar dhe sjellë në vendin tonë si rezultat i operacioneve dhe bashkëpunimit me Gjermaninë, Irakun, Azerbajxhanin, Bosnje-Hercegovinën, Bjellorusinë, Gjeorgjinë, Italinë, Kirgistanin, Kosovën, Maqedoninë e Veriut dhe Greqinë.”

Ministri shtoi: “Të arratisurit që kërkoheshin ndërkombëtarisht me njoftim të kuq dhe difuzion të kuq janë: İ.F., E.T., A.B., K.B., D.H., Ö.V., M.D., R.Ö., R.Y., M.U., O.Y. dhe İ.D., ndërsa ata që kërkoheshin në nivel kombëtar janë: B.G., M.D., S.T., M.S. dhe H.M.K. Ata janë arrestuar dhe dorëzuar.”

Arrestimet u realizuan nën koordinimin e Drejtorisë së Përgjithshme të Policisë, Drejtorisë Interpol-Europol, Ministrisë së Drejtësisë, njësive KOM, Drejtorive të Inteligjencës, Krimeve Kundër Narkotikëve, Rendit Publik, Krimeve Kibernetike, Trafikut të Paligjshëm të Emigrantëve dhe Pikave Kufitare.

Personat e arrestuar dhe vendet ku u kapën:

M.U. – i kërkuar me njoftim të kuq për “Abuzim Seksual me Fëmijë, Privim të Lirisë së Personit” – Kosovë

İ.F. – i kërkuar me difuzion të kuq për “Importim të Lëndëve Narkotike” – Bjellorusi

E.T. – i kërkuar me njoftim të kuq për “Abuzim Seksual me Fëmijë” – Gjermani

A.B. – i kërkuar me njoftim të kuq për “Tentativë për Vrasje me Dashje” – Gjermani

K.B. dhe Ö.V. – të kërkuar me njoftim të kuq për “Tregti Lëndësh Narkotike” – Gjermani

D.H. – i kërkuar me njoftim të kuq për “Abuzim Seksual me Fëmijë, Privim të Lirisë së Personit” – Gjermani

M.D. – i kërkuar me njoftim të kuq për “Mashtrim përmes Sistemeve Informatike” – Gjermani

R.Ö. – i kërkuar me njoftim të kuq për “Dëmtim me Dashje” – Irak

R.Y. – i kërkuar me njoftim të kuq për “Grabitet dhe Vjedhje të Rënda” – Kirgistan

O.Y. – i kërkuar me njoftim të kuq për “Trafikimin e Emigrantëve” – Greqi

İ.D. – i kërkuar me njoftim të kuq për “Vrasje me Dashje” – Bosnje-Hercegovinë

Personat e kërkuar në nivel kombëtar:

B.G. – “Dëmtim të Pasurisë, Plagosje, Blerje, Mbajtje dhe Transport të Armëve Pa Leje” – Azerbajxhan

M.D. – “Abuzim Seksual me Fëmijë, Privim të Lirisë së Personit” – Irak

S.T. – “Blerje, Pranim dhe Mbajtje të Lëndëve Narkotike për Përdorim” – Itali

M.S. – “Mashtrim dhe Shkelje të Ligjit Nr. 6136” – Gjeorgji

H.M.K. – “Mashtrim” – Maqedonia e Veriut

Autoritetet turke theksuan se pavarësisht nga lloji i buletinit, të gjithë anëtarët e organizatave kriminale, trafikantët e drogës dhe kriminelët do të kapen dhe do të dorëzohen para drejtësisë.

Shënim: Njoftimi i Kuq është një urdhër ndërkombëtar i Interpolit për kapjen e një personi të kërkuar.

Difuzioni i Kuq është një njoftim ndërkombëtar për shpërndarje informacioni për persona të kërkuar, por nuk përbën gjithmonë urdhër arresti të menjëhershëm.

🟥 Kırmızı Bülten ve Kırmızı Difüzyonla Aradığımız 12 Suçluyu,
❌ Ulusal Seviyede Aradığımız 5 Suçluyu toplam da 17 suçluyu;

🟥 ALMANYA(6), IRAK (2), AZERBAYCAN, BOSNA HERSEK, BELARUS, GÜRCİSTAN, İTALYA, KIRGIZİSTAN, KOSOVA, KUZEY MAKEDONYA ve YUNANİSTAN ile yapılan Ortak… pic.twitter.com/fIrZQxKkgq

— Ali Yerlikaya (@AliYerlikaya) January 17, 2026