Ditë më parë e ofenduan, sot e falënderojnë/ “Plisat” tregojnë për situatën e KB Prishtinës dhe “dorëheqjen” e Bekë Berishës

Tifozët “Plisat” kanë bërë një reagim në rrjetet sociale në lidhje me vendimet e fundit në klubin basketbollistik, KB Prishtina.

Bekë Berisha sonte pati një takim me krerët e “Plisave” dhe ranë në dakord që ta propozojnë një emër për të zëvendësuar politikanin e njohur, shkruan Indeksonline

Berisha pritet të largohet nga posti i kryetarit vetëm pak ditë pasi u zgjodh nga kryesia.

“Plisat” të cilët ditë më parë e ofenduan Berishën, sot e falënderojnë atë përmes rrjeteve sociale për gatitshmërinë që pati ky i fundit për takim.

“Për t’i arritur qëllimet tona kemi hasur në gatishmërinë e Bekë Berishës, të cilin e falenderojmë për bashkëpunimin me ne, duke hapur rrugë që Klubi të kalojë në duar të Plisave dhe njerëzve profesionistë, gjendje kjo që ka munguar tash e sa kohë në këto ambiente”, shkruhet në një pjesë të reagimit të tifozëve

Kujtojmë që Beka Berisha pas takimit tha se “Plisat” kanë propozuar disa emra për kryetar të KB Prishtinës.

Berisha sipas ligjit s’mund t’i mbajë dy pozita, atë të kryetarit të klubit dhe deputetit të Republikës së Kosvës, andaj duhet të fokusohet vetëm tek njëra./Indeksonline/