“Do jem me ju sonte”, Granit Xhaka me mesazh motivues për bashkëlojtarët para ndeshjes ndaj Burnleyt
Granit Xhaka nuk do të jetë i gatshëm për ndeshjen e sontme ndaj Burnleyt me fanellën e Sunderlandit, për shkak të një lëndimi. Megjithatë, mesfushori shqiptar ka zgjedhur t’i qëndrojë pranë ekipit dhe tifozëve përmes një mesazhi motivues në rrjetet sociale.
“Sonte jam me djemtë me shpirt dhe me ju në tribuna. Së bashku i mbajmë pikët në shtëpi – energjia juaj bën diferencën”, ka shkruar Xhaka në rrjetet sociale
Sonte nga ora 21:00, Sunderlandi e pret Burnleyn në ndeshjen e vlefshme për javën e 24-të në Premier League.
Xhaka po vazhdon rikuperimin nga lëndimi dhe pritet të rikthehet në dispozicion të trajnerit sapo të jetë plotësisht gati, ndërsa sonte fokusi i tij mbetet te përkrahja e bashkëlojtarëve në një ndeshje të rëndësishme për skuadrën./Indeksonline/
