Zlatan Ibrahimovic shpjegon dallimet mes La Liga, Premier League dhe Serie A

Legjenda suedeze e futbollit, Zlatan Ibrahimovic, ka ndarë mendimin e tij mbi dallimet mes tre prej kampionateve më të forta evropiane: La Liga, Premier League dhe Serie A.

Sipas ish-futbollistit, në Spanjë prioritet është loja e ndërtuar dhe filozofia teknike. “Në La Liga përpiqen të luajnë futboll. Mundohet të ndërtohet loja që nga mbrojtja, edhe ekipet që nuk janë në nivelin e më të mirave,” u shpreh ai, shkruan Indeksonline

🚨🚨🎙️| Zlatan Ibrahimović on the difference between La Liga, the Premier League and Serie A:

“In La Liga, they try to play football. They try to build the game from the defense, even the teams that are not at the level of the best teams.

The Premier League is a very… pic.twitter.com/7ir0DWZXoe

— CentreGoals. (@centregoals) February 25, 2026

Duke folur për kampionatin anglez, ai theksoi ritmin e lartë dhe intensitetin fizik. “Premier League ka një tempo shumë të lartë, me sulme dhe kundërsulme të vazhdueshme. Edhe nëse je lojtar shumë teknik, nëse nuk e përballon ritmin, nuk mund të luash atje,” deklaroi Zlatan.

Ndërsa për futbollin italian, ai vuri theksin te aspekti taktik dhe rëndësia e mbrojtjes. “Në Itali loja është shumë taktike, çdo gjë studiohet. Mbrojtja është më e rëndësishme se sulmi. Është shumë e vështirë kur shkon si sulmues në Serie A dhe luan në një ekip që prioritizon mbrojtjen,” tha ai.

Kujtojmë që Ibra ka luajtur pikërisht në këto tri liga të mëdha të futbollit europian./Indeksonline/