Tottenham refuzon kërkesën e Kanye-t për të performuar në stadium

Reperi Kanye West ka kërkuar të performojë në stadiumin e klubit të futbollit Tottenham Hotspur, por kërkesa e tij është refuzuar për shkak të lidhjeve historike të klubit me komunitetin hebraik të Londrës.

Refuzimi erdhi përpara se ai të ishte planifikuar të performonte në festivalin Wireless, transmeton Indeksonline.

Përfshirja e Westit në festival bëri që Pepsi të tërhiqte sponsorimin e saj dje në shenjë proteste kundër performancës së tij, e cila ishte planifikuar të zhvillohej për tri net në korrik.

Vendimi erdhi pasi The Sun të dielën zbuloi se udhëheqësi i Partisë Laburiste, Sir Keir Starmer, tha se ishte “thellësisht shqetësuese” që West ishte punësuar pavarësisht deklaratave të tij të mëparshme antisemite dhe këngës së tij që lavdëronte udhëheqësin nazist.

Një burim zbuloi sfondin e negociatave. “Ekipi i Kanye-t donte të organizonte një seri koncertesh në Londër përpara se të merrnin në konsideratë Wireless. Ata menduan se ai meritonte një seri shfaqjesh të mëdha si pjesë e rikthimit të tij të madh, dhe stadiumi i Tottenhamit ishte zgjedhja e tyre e parë. Por kur iu afruan klubit me propozimin, ata u refuzuan”, tha burimi.

“Duke pasur parasysh historinë e klubit dhe lidhjet e tij me komunitetin hebre, nuk kishte asnjë shans që ata ta lejonin Kanye-n të performonte. Vetëm pas kësaj ata iu drejtuan organizatorëve të Wireless, të cilët e pranuan ofertën”, shtoi ai./Indeksonline/