Vdiq në një vetaksident në Prevallë, nxirret trupi i pajetë i turistit amerikan

Është nxjerrë trupi i pajetë i një turisti amerikan rreth 24-vjeçar, i cili ka humbur jetën pas një vetaksidenti me motoçikletë katër-rrotëshe në Prevallë.

Lajmin e ka konfirmuar për zëdhënësi i Policisë për rajonin e Prizrenit, Shaqir Bytyqi.

Bytyqi theksoi se në vendin e ngjarjes kanë qenë të angazhuara njësi të ndryshme policore, në koordinim të plotë, përfshirë komandantin e Stacionit Policor në Prizren dhe Njësinë Rajonale të Trafikut.

“Po ashtu, në operacion kanë marrë pjesë edhe zjarrfikësit, ekipet e emergjencës mjekësore si dhe vullnetarë motoristë me ATV, të cilët kanë ndihmuar në nxjerrjen e trupit të viktimës”, deklaroi Bytyqi.

Ai shtoi se në konsultim me prokurorin, do të ndërmerren veprimet e tjera hetimore në përputhje me procedurat ligjore në fuqi./Indeksonline/