Pas rastit tragjik, Alec Baldwin merr vendimin e papritur

Alec Baldwin ka njoftuar tërheqjen e tij nga aktrimi për t’u përqendruar te gruaja dhe fëmijët e tij, pas një viti të vështirë pas tragjedisë në sheshxhirimin e filmit “Rust”.

Aktori ka kaluar një periudhë të vështirë në katër vitet e fundit, që kur kameramanja Halyna Hutchins u qëllua për vdekje ndërsa filmonte nga një armë që mbante në dorë, dhe ka kaluar më shumë kohë me familjen e tij, transmeton Indeksonline.

Duke u shfaqur në podkastin “Awards Chatter” të The Hollywood Reporter, aktori 68-vjeçar tha se dëshiron të largohet përgjithmonë nga aktrimi.

“Për shkak të situatës në New Mexico, gjithçka ishte shumë e dhimbshme për mua. Përfundova duke kaluar shumë kohë në shtëpi, isha me fëmijët për tre vjet e gjysmë. Vështirë se punova fare”, tha ai.

“Kjo po ndryshon tani, do të bëj një mori projektesh të tjera, por jam mësuar të rri në shtëpi dhe nuk dua të iki më. Nuk dua. Nuk dua të punoj më. Vërtet nuk dua. Dua të dal në pension dhe të rri në shtëpi me fëmijët e mi”, është e vendosur Baldwin./Indeksonline/