Aktorja e “Euphoria”: Zendaya dhe Sydney Sweeney s’kanë mosmarrëveshje

Aktorja Jessica Blair Herman mohoi thashethemet për një sherr midis Zendaya dhe Sydney Sweeney në sheshxhirimin e sezonit të tretë të “Euphoria”.

Herman, e cila luan rolin e Heather, fqinjës së Cassie (Sydney Sweeney) dhe Nate (Jacob Elordi) në serial, ishte e ftuar në emisionin “Good Day New York” të hënën dhe theksoi se të gjithë në sheshxhirim kaluan shumë mirë me njëri-tjetrin, shkruan Just Jared, transmeton Indeksonline.

Duke folur për atmosferën në sheshxhirim, Herman hodhi poshtë spekulimet për një marrëdhënie të tendosur midis aktorëve.

“Të gjithë shkuan mirë me të vërtetë, dhe unë nuk po e them vetëm këtë”, tha ajo. Ajo shtoi se nuk kishte “asnjë dramë” në sheshxhirim dhe se ata kishin një “marrëdhënie të shkëlqyer pune”. “Të gjithë janë aty për të punuar, vijnë në sheshxhirim dhe bëjnë punën e tyre”, tha ajo./Indeksonline/