Bedri Hamza prezanton aderimin e radhës

Kryetari i Partisë Demokratike të Kosovës, Bedri Hamza, ka prezantuar aderimin në parti.

Shemsi Jashari është emri i radhës që i është bashkuar kauzës së PDK-së, për zgjedhjet  e7 qershorit, shkruan IndeksOnline.

“Ish-ushtar i UÇK-së, pjesë e Policisë së Kosovës dhe i administratës shtetërore, e më pas aktivist i palodhshëm për transparencë, drejtësi dhe interes qytetar, Shemsiu ka qenë gjithmonë në anën e qytetarëve” tha Hamza në prezantimin e tij për Jasharin.

Duke i uruar mirëseardhjen, kreu i PDK-së vlerësoi se Jashari është përfaqësimi që i duhet Kosovës.

Ky është postimi i plotë i tij:

Partisë Demokratike të Kosovës iu bashkua edhe Shemsi Jashari, një nga zërat më aktivë të shoqërisë civile.

Ish-ushtar i UÇK-së, pjesë e Policisë së Kosovës dhe i administratës shtetërore, e më pas aktivist i palodhshëm për transparencë, drejtësi dhe interes qytetar, Shemsiu ka qenë gjithmonë në anën e qytetarëve.

Me integritetin dhe angazhimin e tij publik ndër vite, ai i bën nder listës sonë dhe përfaqësimit që i duhet Kosovës.

Mirë se vjen në PDK, Shemsi.