Izraeli shkel rregullat e Eurovisionit, EBU reagon para garës
Vetëm pak ditë para Festivalit të 70-të të Këngës në Eurovision, i cili do të mbahet në Vjenë nga 12 deri më 16 maj, Unioni Evropian i Transmetimeve (EBU) i ka lëshuar një paralajmërim transmetuesit izraelit KAN për shkelje të rregullave.
Izraeli përfaqësohet këtë vit nga Noam Bettan me këngën “Michelle”, dhe Kroacia përfaqësohet nga ansambli Lelek, të cilët do të performojnë në gjysmëfinalen e parë, transmeton Indeksonline.
Problemi lindi nga një video promovuese në të cilën përfaqësuesi izraelit Noam Bettan, në 13 gjuhë, u bën thirrje shikuesve të votojnë për Izraelin dhjetë herë. EBU e konfirmoi incidentin në një deklaratë zyrtare të lëshuar nga drejtori i Eurovisionit, Martin Green.
“Të premten, më 8 maj, u njoftuam për video me udhëzime në ekran për të ‘votuar 10 herë për Izraelin’, të postuara nga një interpretues që përfaqësonte KAN. Brenda 20 minutash, ne kontaktuam delegacionin izraelit dhe kërkuam që ata të ndalonin menjëherë shpërndarjen e këtyre videove dhe t’i hiqnin ato nga të gjitha platformat. Ata menjëherë e përmbushën këtë kërkesë”, tha Green./Indeksonline/
Israel’s Eurovision 2026 singer is doing promotional advertisements for Semi Final 1 this year in the languages of Azerbaijani, Dutch, English, French, German, Greek, Italian, Maltese, Portuguese, Spanish, Swedish, and Ukrainian.
— Adam Mc Callig (@_allthingsadam_) May 8, 2026
Below is the Spanish video: pic.twitter.com/yZFuBepOAQ
