Arne Slot shkruan një letër emocionuese pas largimit nga Liverpooli

Trajneri Arne Slot ka publikuar një letër të hapur për tifozët e Liverpoolit, ku ka reflektuar mbi sezonin e kaluar, triumfin në kampionat dhe humbjen tragjike të sulmuesit Diogo Jota.

Në mesazhin e tij, Slot e cilësoi humbjen e Jotës si një nga momentet më të vështira që ka përjetuar klubi, shkruan Indeksonline

“Vetëm disa javë pasi festuam së bashku, humbëm Diogon. Kjo është e papërshkrueshme. Mbi të gjitha, dua të kujtoj një shok skuadre, një mik dhe një njeri të jashtëzakonshëm që preku jetët e mijëra njerëzve sa herë që veshi fanellën e këtij klubi”, shkroi ai.

Tekniku holandez falënderoi tifozët për mbështetjen dhe solidaritetin e treguar në periudhën e vështirë pas vdekjes së futbollistit portugez.

Arne Slot writes an open letter, published in @LivEchoLFC. He touches upon the tragic loss of Diogo Jota, winning the title and says he has “complete confidence” in what lies ahead.

“That only weeks after celebrating together we would lose Diogo is indescribable. More than… pic.twitter.com/bd37lwavhy

— Ben Jacobs (@JacobsBen) June 1, 2026

“Në një nga momentet më të vështira që ka përjetuar ky klub, dashuria, dhembshuria dhe mbështetja e familjes së Liverpoolit ishte e jashtëzakonshme. Mënyra se si e nderuat Diogon dhe qëndruat të bashkuar në kujtimin e tij do të mbetet përgjithmonë me mua.”

Slot kujtoi gjithashtu suksesin e skuadrës në fitimin e titullit të 20-të kampion në histori, duke theksuar se ky triumf i përket të gjithë komunitetit të klubit.

“Titulli i 20-të i Liverpoolit na përket të gjithëve dhe do të mbetet një kapitull i rëndësishëm në historinë e klubit. Për këtë duhet të jemi krenarë.”

Në fund, ai u shpreh i bindur se Liverpooli do të vazhdojë të jetë pjesë e elitës së futbollit evropian.

“Ky klub gjithmonë do ta gjykojë veten nga trofetë më të mëdhenj dhe kështu duhet të jetë. Largohem duke ditur se Liverpooli është aty ku i takon, mes më të mirëve në Evropë. Sigurimi i Ligës së Kampionëve ishte një përgjegjësi e rëndësishme dhe unë largohem me besim të plotë në atë që e pret klubin në të ardhmen”, përfundoi Slot./Indeksonline/