Peci emëron u.d. drejtorin e ri të QKMF-së në Mitrovicë

Kryetari i komunës, Faton Peci, ka pritur në një takim dr. Fevzi Sylejmanin dhe dr. Vllaznim Hotin.
Me këtë rast, ai falënderoi dr. Fevzi Sylejmanin për kontributin dhe përkushtimin e tij ndër vite në shërbim të qytetarëve në Qendrën Kryesore të Mjekësisë Familjare, me rastin e daljes në pension.

Njëkohësisht, kryetari Faton Peci emëroi dr. Vllaznim Hotin si ushtrues detyre (u.d.) drejtor i Qendrës Kryesore të Mjekësisë Familjare, duke i uruar suksese në detyrën e re.
Ai shprehi urimet e tij për shëndet dhe suksese për të dy.