Shtëpia e Bardhë reagon pas refuzimit të hyrjes së gjyqtarit Omar Abdulkadir në SHBA

Shtëpia e Bardhë ka reaguar lidhur me vendimin e autoriteteve amerikane për t’i refuzuar hyrjen në Shtetet e Bashkuara gjyqtarit, Omar Abdulkadir Artan.

Në deklaratën zyrtare thuhet se gjatë kontrolleve shtesë të kryera nga Dogana dhe Mbrojtja Kufitare e SHBA-së (CBP), janë zbuluar informacione që e bëjnë personin të papranueshëm për hyrje në territorin amerikan sipas Ligjit për Imigracionin dhe Kombësinë, shkruan Indeksonline

🚨 𝗕𝗥𝗘𝗔𝗞𝗜𝗡𝗚: The White House responds to the decision to deny Omar Abdulkadir Artan entry into the United States.

“Upon further inspection by CBP, derogatory information, including association with suspected members of terror organizations, was discovered. Making the… pic.twitter.com/ZxJ2ohSwYh

— The Touchline | 𝐓 (@TouchlineX) June 10, 2026

“Pas një inspektimi të mëtejshëm nga CBP, u zbuluan informacione negative, përfshirë lidhje të dyshuara me persona të lidhur me organizata terroriste. Kjo e bën udhëtarin të papërshtatshëm për t’u pranuar në Shtetet e Bashkuara sipas Ligjit për Imigracionin dhe Kombësinë”, thuhet në reagim.

Shtëpia e Bardhë theksoi se administrata e presidentit Donald Trump do të vazhdojë të zbatojë masa të rrepta sigurie në kufijtë e vendit për Kupën e Botës që nis nga nesër 11 qershor.

“Administrata e presidentit Trump nuk do të lejojë asnjë kërcënim për sigurinë të hyjë në vendin tonë, pa asnjë përjashtim”, përfundon deklarata./Indeksonline/