Të shtëna me armë në një aheng familjar në Prishtinë, policia konfiskon armën

Një incident me të shtëna është raportuar pasditen e së dielës në rrugën “Sylejman Vuçitërna” në Prishtinë.

Pas raportimit për disa të shtëna me armë zjarri, njësitet policore kanë dalë në vendin e ngjarjes dhe kanë shkuar në shtëpinë e një të dyshuari.

Dyshohet se i dyshuari kishte shtënë me armë gjatë një ahengu familjar. Gjatë ekzaminimit të vendit të ngjarjes, policia ka gjetur dhe konfiskuar dy gëzhoja fishekësh.

Po ashtu, nga i dyshuari është konfiskuar një pistoletë me gaz.

Pas intervistimit nga organet kompetente dhe me rekomandim të prokurorit, i dyshuari është liruar në procedurë të rregullt, ndërsa rasti mbetet nën hetime. /Indeksonline/