Gjilani njofton largimin e tre futbollistëve

Skuadra e Gjilanit ka konfirmuar largimin e tre futbollistëve nga skuadra, duke i falënderuar për kontributin e dhënë me fanellën kuqebardhë.

Klubi njoftoi se rrugët janë ndarë me Leonit Abazin, Astrit Thaqin dhe Agron Kolajn.

Përmes një komunikate zyrtare, Gjilani u shprehu mirënjohje të tre lojtarëve për angazhimin dhe profesionalizmin e treguar gjatë kohës së kaluar në klub.

Në rastin e Agron Kolajt, Gjilani falënderoi gjithashtu edhe FC Prishtinën për bashkëpunimin e shëndoshë sportiv.

Klubi nga Anamorava u ka uruar Abazit, Thaqit dhe Kolajt shumë suksese dhe shëndet në vazhdimin e karrierës së tyre sportive.