75 Mall Live Search
14:31 / E Shtunë, 27 Qershor 2026 / Gj Sh

Mësohet e vërteta te goli i anuluar i Iranit ndaj Egjiptit, Ja çfarë thotë rregullorja

Një nga golat më të përfolur dhe më të diskutueshëm në Kupën e Botës, do të jetë ai i Iranit në ndeshjen me Belgjikën.

Irani me anë të Shoja Khalilzadeh shënoi gol pak sekonda para fundit të ndeshjes, por i cili u anulua dhe u diskutua tepër, shkruan IndeksOnline.

Ky gol do ti siguronte Iranit kualifikimin në fazën eliminatore, por pas rishikimit nga VAR, u anulua për offside.

Irani e mbylli fazën e grupeve në vendin e tretë dhe duhet të pres përfundimin e të gjitha ndeshjeve të kësaj faze, për të kuptuar nëse do të jetë në mesin e tetë nga 12 skuadrave që kualifikohen nga vendet e treta.

Pse u anulua goli i fitores së Iranit?

Kur e sheh për herë të parë Khalilzadeh duke e dërguar topin në rrjetë për golin e “fitores” në kohën shtesë, mund të jetë e vështirë të kuptohet pse u anulua për pozitë jashtë loje. Duke marrë parasysh se ky gol do t’i kishte garantuar Iranit një biletë kualifikimi, ky ishte një vendim i vështirë.

Për të qenë në pozicion të rregullt, duhet të ketë të paktën dy lojtarë kundërshtarë mes sulmuesit dhe portës në momentin kur pason topi. Në shumicën e rasteve, llogaritet portieri, plus një lojtar fushe.

Për t’u quajtur i rregullt, Khalilzadeh (Nr. 4) duhej të ishte pas lojtarit të dytë të Egjiptit kur Ghorbani gjuajti në portë. E pazakonta në këtë rast është se portieri kishte dalë përpara sulmuesit më të avancuar të Iranit.

Edhe pse bëhet fjalë për milimetra, imazhet e VAR-it treguan qartë se Khalilzadeh ishte përpara të gjithë lojtarëve të Egjiptit përveç njërit (mbrojtësit), duke e bërë rrjedhimisht atë pozicion jashtë loje.

Mos i humb

Të fundit nga Sport