Zara Larsson surprizon rrjetin, zgjedh hitin “Bon Bon” të Era Istrefit që pushtoi botën

Zara Larsson ka ndarë me ndjekësit një kujtim nga dita e sotme që festoi 19-vjetorin në Poloni.

Këngëtarja suedeze publikoi në InstaStory një fotografi, të shoqëruar me mbishkrimin “Turned 19 in Poland”, shkruan Indeksonline.

Ajo që bie në sy është zgjedhja e muzikës në sfond. Larsson ka shoqëruar postimin me hitin ndërkombëtar “Bon Bon” të këngëtares shqiptare Era Istrefi, një këngë që vazhdon të mbetet ndër projektet më të suksesshme shqiptare në arenën botërore.

Ky moment i rikthyer nga Zara Larsson tregon edhe një herë ndikimin që muzika shqiptare ka pasur në skenën ndërkombëtare, ndërsa Era Istrefi mbetet një nga artistet më të spikatura dhe më të suksesshme që ka sjellë vendi, me hite që vazhdojnë të dëgjohen dhe të vlerësohen në mbarë botën./Indeksonline/