Nesër seanca për vrasjen makabre të Bekim Varit, dëshmon familjari që gjeti trupin në mal

Nesër (e mërkurë), në Gjykatën Themelore të Ferizajt pritet të mbahet seanca e radhës ndaj Leutrim Fejzës, i cili akuzohet për vrasjen mizore të Bekim Varit, rast që tronditi Kosovën në fillim të këtij viti, shkruan IndeksOnline.

Në këtë seancë, do të dëshmojë edhe një familjar i viktimës, i cili kishte gjetur trupin e 27-vjeçarit në një zonë malore të fshatit Manastirc të Komunës së Ferizajt.

Vari ishte raportuar si i zhdukur nga familjarët më 29 janar 2025, ndërsa trupi i tij u gjet më 5 shkurt.

Prokuroria Themelore në Ferizaj ka ngritur aktakuzë ndaj Fejzës për veprën penale të vrasjes së rëndë, ndërsa sipas dosjes hetimore, ai dyshohet se ka kryer krimin pas një konflikti të mëparshëm me viktimën./IndeksOnline/