VITA e fton për vizitë në fabrikë Armend Mujën

Fabrika e Përpunimit të Qumështit VITA ka publikuar një ftesë publike drejtuar ministrit në detyrë të Bujqësisë, Armend Muja.

Përmes njoftimit, Muja u ftua nesër për të vizituar ambientet e fabrikës, raporton IndeksOnline.

Sipas njoftimit, gjatë vizitës përfaqësuesit e VITA-s do ta njohin ministrin nga afër me procesin e prodhimit, pranimin e qumështit nga fermerët, standardet e cilësisë dhe bashkëpunimin me fermerët vendorë.

Po ashtu, fabrika ka bërë të ditur se synon të zhvillojë një diskutim të hapur me ministrin për sfidat aktuale dhe të ardhmen e sektorit të qumështit në Kosovë.

“Dyert e VITA-s janë të hapura. Ju mirëpresim nesër, më 08.07.2026”, thuhet në ftesën publike të kompanisë.

Kujtojmë se javën që lëmë pas, fabrika u mbyll pas vizitës së Inspektoriatit.