“Ishte një padrejtësi”, Justin Baldoni thyen heshtjen për përplasjen me Blake Lively

Justin Baldoni ka thyer heshtjen për betejën e gjatë ligjore me Blake Lively, duke e përmbledhur gjithë situatën me një fjalë të vetme: “Padrejtësi.”

Regjisori i filmit “It Ends With Us”, i cili u shfaq në publik së bashku me bashkëshorten e tij, Emily, deklaroi se ai ishte personi që u dëmtua në këtë histori, dhe jo Blake, shkruan Indeksonline.

Ai e përshkroi pasojën e padisë së saj për ngacmim seksual dhe hakmarrje, të lidhur me filmin e vitit 2024, si një “padrejtësi”.

Justin tha se ai dhe Emily zgjodhën qëllimisht të mos flisnin publikisht gjatë gjithë procesit ligjor, pasi nuk donin të “shtonin zhurmën”. Sipas tij, gjatë dy viteve të fundit janë thënë shumë gjëra “të pavërteta”, ndaj preferuan ta linin drejtësinë të bënte punën e saj.

Nga ana tjetër, Emily u shpreh se beteja ligjore ka traumatizuar familjen e tyre. Ajo tha se ende nuk arrijnë ta kuptojnë se si ndodhi e gjithë kjo, duke shtuar se gjithçka ishte “e maskuar si një luftë për gratë”.

Justin theksoi se tani ai dhe bashkëshortja e tij janë të përqendruar te shërimi emocional, duke pranuar se ky proces nuk ka qenë i lehtë dhe nuk ka ecur në mënyrë lineare. Ai tha se kjo përvojë i ka ndihmuar të kuptojnë se çfarë ka vërtet rëndësi në jetë: fëmijët, familja, miqtë, komuniteti dhe besimi.

Në fund, çifti falënderoi vazhdimisht të gjithë ata që i kanë mbështetur gjatë kësaj periudhe. Justin u shpreh mirënjohës ndaj njerëzve që “i besuan intuitës së tyre” dhe u lutën për ta, duke thënë se ndihen thellësisht të dashur ndërsa vazhdojnë procesin e shërimit së bashku me familjen./Indeksonline/