Ndërroi jetë komandanti i shquar i UÇK-së (Foto)

Në orët e hershme të mëngjesit së sotëm, pas një sëmundje të rëndë, ka ndërruar jetë njëri prej komandantëve më të shquar të Ushtrisë Çlirimtare të Kosovës, Jetullah Çarri.

I njëjti në luftë ishte i njohur me nofkën si komandant “Guri”.

Çarri ishte pjesë e Batalionit Vëzhgues Diverzant në kuadër të Shtabit të Përgjithshëm të UÇK-së, shkruan Indeksonline

Ndërkohë, pas luftës në Kosovë i ndjeri ishte i angazhuar në Trupat Mbrojtëse të Kosovës.

Mirëpo, pas fillimit të luftës në Maqedoni ai ishte bashkuar radhëve të Ushtrisë Çlirimtare Kombëtare, respektivisht bashkëluftëtar i Ali Ahmetit.

Ndryshe, vitin e kaluar të ndjerit në mënyrë tragjike i kishte vdekur djali i tij. /Indeksonline/