Kosova e dyta në turneun e karatesë në Turqi

Karateistët e Kosovës kanë zënë vendin e dytë në garat e organizuara në Turqi në mesin e 48 shteteve pjesëmarrëse.

Karateistët e Kosovës kanë shkuar nën organizimin e Federatës të Karatesë së Kosovës dhe ky sukses vie pas suksesit të Kosovës në xhudo në garat mesdhetare në Spanjë.

Në turneun tradicional “Turkey open”, për nga numri i medaljeve të fituara, e para ka dal Turqia, e dyta Kosova, e treta Rusia dhe e katërta Rumania.

Kosova ka fituar 4 medalje të arta, 6 të argjende dhe 7 të bronzta.

Medalistët e Kosovës nesër në ora 08:20 do të arrin në Aeroportin Ndërkombëtar “Adem Jashari”.