Emocionuese, ushtari i Kosovës i shkruan letër motivuese një fëmije të sëmurë në QKUK!

Gjenerali i FSK-së, Rrahman Rama së bashku me pjesëtarë të Ushtrisë së Kosovës, sot kanë vizituar klinikën e Pediatrisë në QKUK.

Për fëmijët e shtrirë në këtë repart, janë shpërndarë dhurata me rastin e festave të fundvitit, shkruan Indeksonline.

Me këtë rast një ushtar i FSK-së i ka dedikuar letër motivuese një fëmije në këtë klinikë.

Letra e plotë:

I dashur fëmijë,
Unë Alban Shyti, pjesëtar i Forcës së Sigurisë së Kosovës, të dëshiroj shërim sa më të shpejtë.
Shpresoj që ti një ditë të jesh përkrah meje në mbrojtje të vendit dhe me të gjitha detyrat tjera si pjesëtar i FSK-së.
Andaj, shërohu sa më shpejt dhe bëhu gati sepse Kosova ka nevojë për ty dhe shokët e tu.
Urime festat e fundvitit t’u plotësofshin të gjitha dëshirat.
Me shumë respekt dhe dashuri
Tetar Alban Shyti.