Vuçiq: Në një takim me Thaçin ishin afër rrahjes këta dy persona…

Presidenti i Serbisë, Aleksandër Vuçiq, ka treguar një detaj nga takimet që i zhvillon me homologun e tij kosovar, Hashim Thaçi, në Bruksel në kuadër të dialogut të ndërmjetësuar nga BE-ja.

Në një intervistë për “TV Pink” ka thënë se në takimet në katër sy me Thaçin flasin në gjuhën angleze, mirëpo kur gjërat nxehen, atëherë kalojnë në serbisht.

“Flasim në anglisht, derisa nuk vjen deri tek ndonjë përplasje verbale… atëherë kalojmë në serbisht”, është shprehur Vuçiqi.

Madje ai tregon se në një rast kanë qenë afër edhe të një përleshjeje fizike, por se gjithçka ka përfunduar shpejt.

“Njëherë ishim afër përleshjes fizike. [Hajredin] Kuçi iu sul [Ivica] Daçiqit, ndërsa unë atij… por gjithçka përfundoi shpejt”, tha Vuçiqi.a