Muharremaj merr vendimin e radhës për bizneset, kush nuk e respekton gjobitet

Kryetari i Suharekës, Bali Muharremaj ka bërë të ditur se nga tani, secili biznes dhe institucion e ka për detyrë të pastroj hapësirën para lokalit.

Ai në profilin e tij në Facebook ka publikuar vendimin, sipas të cilit, bizneset që nuk e respektojnë, do të gjobiten, transmeton Indeksonline.

Më poshtë postimi i Muharremajt:

Secili biznes/institucion, tash e tutje obligohet që hapësirën para lokalit apo objektit ta pastroj çdo ditë, me qëllim të mirëmbajtjes së ambientit.

Për zbatimin e kësaj obligohet Drejtoria e Inspekcionit dhe Policia, të cilat si institucione kujdesen sipas ligjeve në fuqi për zbatimin e urdhëresës.

Gradualisht ne do të kemi hapa konkret për ruajtjen e ambientit, i cili është i të gjithëve. /Indeksonline/