Ahmeti: Hapësirat e gjelbëruara në Prishtinë po shtohen

Kryetari i Prishtinës, Shpend Ahmeti ka vizituar lokacionin ku kanë filluar punimet për ndërtimin e parkut të ri në Arbëri.

Ahmeti ka thënë se kjo hapësirë po shndërrohet në park me gjelbërim e fusha sportive të cvilat mund të shfrytëzohen nga banorët e lagjes Arbëria dhe Kodra e Trimave, transmeton Indeksonline.

Postimi i plotë:

Hapësirat e gjelbëra në Prishtinë  po shtohen!

Bashkë me Drejtorin për Investime Kapitale e Menaxhim të Kontratave Gëzim Mehmeti vizituam lokacionin ku kanë filluar punimet për ndërtimin e parkut të ri në Arbëri.

Kjo hapësirë, që deri vonë ishte deponi joformale tani po shndërrohet në park me gjelbërim e fusha sportive dhe do të mund të shfrytëzohet nga banorët e lagjes Arbëria dhe Kodra e Trimave.

Revitalizimi i hapësirave me gjelbrim  po e ndihmon zhvillimin e qytetit drejt jetesës së shëndetshme./Indeksonline/