Zbulohen planet për dasmën përrallore të Katy Perry-t dhe Orlando Bloom

Këngëtarja e njohur e hitit “I kissed a girl”, Katy Perry, dhe partneri i saj, aktori Orlando Bloom, do të kurorëzojnë me martesë dashurinë e tyre.

Këtë Shën Valentin, Orlando i propozoi Katy-t për martesë me një unazë që tërhoqi vëmendjen e të gjitha mediave, ndërsa së fundmi janë bërë të ditura planet e çiftit për dasmën.

Sipas mediave të huaja, burime pranë çiftit kanë treguar se ata do të zhvillojnë një ceremoni si në përralla, e cila do të mbahet në “Disney World”, në kështjellën e Hirushes. Megjithatë, ende nuk është bërë e ditur për publikun data e ceremonisë së tyre.