Shkarkohet një prokuror dhe suspendohet një prokurore

Këshilli Prokuroria ka marrë vendim për t’i propozuar Presidentit për shkarkimin nga detyra të prokurorit Agron Matjani.

Kjo për shkak të keqpërdorimit të pozitës autoritetit zyrtar, për të cilën Indeksonline pati raportuar para një muaji.

“Po ashtu, Këshilli ka marrë vendim për t’i propozuar Presidentit të vendit shkarkimin nga detyra të prokurorit Agron Matjani për shkak të mosrespektimit të rëndë të detyrave zyrtare, vendim ky, i cili ka ardhur pas zhvillimit të procedurave disiplinore nga komisioni përkatës”, thuhet njoftimin e Këshillit Prokurorial.

Në vijim, Këshilli miratoi kërkesën e Zyrës së Kryeprokurorit të Shtetit për suspendim nga detyra me pagesë të një prokuroreje, ngaqë dyshohet për shkelje të detyrës zyrtare, si dhe ka obliguar Komisionin përkatëse që t’i trajtojë këto shkelje.

Në këtë kontekst, Kryesuesi i Këshillit, Bahri Hyseni, ka thënë se secili vendim i këtij institucioni ka peshë të madhe.

 Andaj, Këshilli dhe Prokurori i Shtetit janë bartës të ngritjes dhe fuqizimit të transparencës, efikasitetit, llogaridhënies, integritetit dhe dinjitetit të sistemit prokurorial të Kosovës.  

Gjithashtu, anëtarët e Këshillit miratuan edhe kërkesën e Kryeprokurorit të Prokurorisë Themelore në Gjakovë, për të cilën u mor vendim që të bëhet shpallja e brendshme për avancim të një prokurori nga Departamenti i Përgjithshëm në Departamentin për të Mitur, pas shkuarjes në pension të prokurorit Xhavit Osmani.​/Indeksonline/