​Rasti “Monstra”, gjashtë dëshmitarë në mbrojtje të Azirit

Në seancën e sotme gjyqësore për rastin Monstra, prokurori i PSP-së Gavrill Bubevski pas një debati të ashpër me palën mbrojtëse njoftoi se posedojnë fotografi si dëshmi nga një makinë xhip me ngjyrë gri, të cilin gjoja e ka vozitur Fejzi Haziri, por pa dhënë më shumë detaje.

Mbrojtja nga ana tjetër pret që Prokuroria Speciale Publike dëshmitë t’i dorëzojë në Gjykatë.Në seancën e sotme dëshmuan gjashtë dëshmitarë, bujkë, auto mekanikë dhe veterinarë. Asnjëri prej tyre nuk vërtetoi me saktësi ku dhe çfarë ka bërë Aziri ditën e vrasjes së pesëfishtë. Seanca e ardhshme është caktuar për më 24 qershor./AlsatM/