Tifozi i Barcelonës në prezantim të Hazardit, madrilenët e detyrojnë ta heq fanellën
Një shfaqje e paparashikuar është dëshmuar gjatë ceremonisë fantastike të prezantimit të Eden Hazard në “Santiago Bernabeu”, si futbollist i ri i Real Madrid. Në tribunën e stadiumit të Los Blancos është paraqitur si për çudinë e të gjithëve edhe një tifoz me fanellën e Barcelonës.
Mes turmës prej rreth 50 mijë tifozësh prezent në “Bernabeu”, djaloshi me fanellën blaugrana të Barças është bombarduar në vërshëllima dhe kontestime, duke reaguar menjëherë.
I ndërgjegjësuar për faktin se zgjedhja e fanellës që mbante veshur nuk kishte qenë vendimi më i mirë në jetën e tij, e ka hequr menjëherë, duke fituar njëherësh edhe duartrokitjet e tifozëve madrilenë që qëndronin pranë tij.
A Barca fan entered to Hazard presentation in Barcelona shirt, Madridistas asked him to take it off. ?
— SM (@SMFutboI) June 13, 2019
pic.twitter.com/sF8KJQ4b7m