Bytyqi i lumtur me barazimin, e quan Feronikelin ekip të zemrës

Ministri i Arsimit, Shkencës dhe Teknologjisë, Shyqiri Bytyqi është shprehur i lumtur me barazimin e Feronikelit ndaj kamionit të Uellsit, TNS.

Ai ka thënë se për këtë klub është shumë i lidhur për faktin se dikur edhe vet ka kaluar disa vite si futbollist, transmeton Indeksonline.

“Shumë i lumtur me barazimin e arritur nga ekipi im i zemrës, Feronikeli, ndaj kampionit të Uellsit, TNS, në kuadër të fazës kualifikuese për Ligën e Kampionëve.

Të jashtëzakonshëm ishin futbollistët e Feronikelit, klubit me të cilin jam shumë i lidhur për faktin se dikur edhe vet kam kaluar disa vite si futbollist profesionist.

Suksese djema! Besoj shumë në rrugëtimin tuaj drejt inkuadrimit në grupet e UCL”, ka shkruar ai./Indeksonline/