Neymar: Ramos është lojtari më i fortë me të cilin jam përballur

E ardhmja e Neymar ende nuk është e zgjidhur, me shumë klube të interesuara pë shërbimet e brazilianit.

Barcelona ka bërë disa përpjekje për ta transferuar Neymarin megjithatë bordi drejtues i PSG i ka refuzuar ofertat.

Tentimi i fundit i blaugranëve ishte sot me një ofertë prej 90 milionë euro plus dy lojtarë nga një listë prej gjashtë personash: Philippe Coutinho, Ousmane Dembele, Ivan Rakitic, Nelson Semedo, Malcom dhe Samuel Umtiti.

Real Madridi është një tjetër klub që monitoron situatën. Megjithatë një lëvizje në Real Madrid duket e pamundur për momentin.

Në një intervistë, Neymar deklaroi se lojtari më i fortë me të cilin është ballafaquar është mbrojtësi i Real Madridit, Sergio Ramos, raporton GivemeSport, përcjellë Indeksonline.

“Për shkak se ai është një mbrojtës i shkëlqyer qendror dhe për më tepër, ai shënon gola. Ai është shumë i vështirë për tu ballafaquar”.

Braziliani në nivel personal është përballur me Ramos në total prej nëntë herë, duke fituar katër, duke barazuar një herë dhe duke humbur katër./Indeksonline/