Presidenti i Schalke tërhiqet përkohësisht pas akuzave të racizmit

Presidenti i Schalke, Clemens Toennies është larguar për tre muaj pas akuzave për racizëm.

Toennies tha në një konferencë shtypi javën e kaluar se më shumë stacione energjitike duhet të ndërtohen në Afrikë në vend të rritjes së taksave për të mbrojtur mjedisin.

“Atëherë afrikanët do të ndalonin të prisnin pemët dhe të prodhonin foshnje kur të errësohet,” shtoi 63-vjeçari.

Sidoqoftë, klubi gjerman tha që pretendimet për racizëm ishin “të pabazuara”, megjithë thirrjet që Toennies të jepte dorëheqjen.

Disa ish lojtarë të Schalke kanë kritikuar komentet e Toennies, me ish-sulmuesin e Gjermanisë me origjinë nga Gana, Gerald Asamoah duke thënë se ato fjalë e lanë atë “pa fjalë”.

“Komentet e tij më befasuan, më tronditën dhe më plagosën. Ai po më fyen mua dhe të gjithë të përfshirë”, shtoi 40-vjeçari.

Toennies – pronar i një kompanie të përpunimit të mishit – tha se ai dëshironte të “kërkojë ndjesë falje” në një deklaratë të mëparshme, duke shtuar se ai qëndroi pranë vlerave të klubit “1000%”.

“Kjo përfshin luftën kundër racizmit, diskriminimit dhe përjashtimit,” shtoi ai.

Sidoqoftë, pas një takimi të bordit të nderit të Schalke të martën, Toennies pranoi se ai kishte “shkelur” rregullat e diskriminimit të klubit.

“Ai edhe një herë shprehu keqardhjen e tij,” tha një deklaratë nga klubi Bundesliga, i cili shtoi se Toennies do të rifillonte rolin e tij në bord pas tre muajsh./Indeksonline/