Rasti “Ukraina”, informatori që zbuloi telefonatën-zyrtar i CIA-s

Informatori sekret që zbuloi telefonatën kontroverse me Trumpin dhe Zelenskin, duke çuar në hapjen e hetimeve për shkarkimin e presidentit amerikan, është një zyrtar i CIA-s.

Sipas “Washington Post”-it, “New York Times”-it dhe “Reuters”-it, personi i paidentifikuar kishte punuar më parë edhe për Shtëpinë e Bardhë. Mbi bazën e raportit që u bë publik të enjten, informatori pretendon se zyrtarë të lartë të Shtëpisë së Bardhë ishin përpjekur të fshihnin detajet e telefonatës ku Trumpi i sugjeronte homologut ukrainas të niste hetimet për rivalin politik Joe Biden dhe djalin e tij Hunter.

Ndërkaq, zbulohet një regjistrim audio i Donald Trumpit ku ai kërkon të dinte se kush ia kishte zbuluar detajet informatorit, duke e cilësuar burimin si një spiun e tradhtar. Në një referencë të qartë të kohës kur spiunët ekzekutoheshin ai u shpreh: “E dini se ç’bënim në të kaluarën, kur tregoheshim të zgjuar me spiunët dhe tradhtarët. E menaxhonim ndryshe nga tani situatën”.

Sipas raportit të informatorit, transkripti i bisedës telefonike të kryer në 25 korrik nuk ishte ruajtur në sistemin e zakonshëm komjuterik, për në tjetër që përdorej për informacione të klasifikuara.

Demokratët e akuzojnë Trump se u përpoq të hidhte baltë mbi Biden, me ndihëm e Ukrainës dhe se përdori mbështetjen ushtarake si mjet presioni. Komentet u dënuan ashpër nga kryesuesit e 3 komisioneve në Dhomën e Përfaqësuesve. Sipas tyre, kjo përbënte intimidim të dëshmitarëve dhe përpjekje për të penguar drejtësinë.