Veliu, konfirmon takimin e nënkryetarëve me Isa Mustafën

Përplasjet e shumta me Lëvizjen Vetëvendosje si dhe mos dakordimi për pozitat udhëheqëse në Presidencë, Qeveri e Kuvend, ka bërë që sot kryetari i Lidhjes Demokratike të Kosovës, të mbledhë nënkryetarët e saj, shkruan IndeksOnline.

Takimi u zhvillua midis kreut të partisë si dhe dy nënkryetarëve, Vjosa Osmani dhe Agim Veliu.

Agim Veliu e ka konfirmuar për IndeksOnline, takimin e sotëm, derisa nuk i ka bërë të ditura detajet e takimit.

“Po ka pasë, diskutimet kanë qenë të përditshme dhe të zakonshme”, tha Veliu.

Ka shumë ditë që Lëvizja Vetëvendosje dhe Lidhja Demokratike e Kosovës, zhvillojnë takime të brendshme, të udhëhequra nga dy kryetarët e saj.

Pas shumë takimesh, ende këto dy parti nuk kanë arritur të arrijnë një marrëveshje finale, siç edhe ishte thënë paraprakisht.

Duket se mosarritja e një marrëveshje, është pikërisht pamundësia e ndarjes së pozitave udhëheqëse, si ajo e presidentit dhe kryeparlamnetarit. /IndeksOnline/