Regjistruan firma të rrejshme dhe mashtruan, arrestohen dy serb në Kosovë

Policia e Kosovës ka arestuar dy serb, pasi të njejtit dyshohet se kishin hapur firma fiktive të biznesit, pa asnjë akitvitet afarist, duke tentuar kështu edhe të mashtrojnë.

Sipas Policisë, dy të dyshuarit kishin kryer aktivitet e tyre në Prishtinë, Mitrovicë e Gjilan.

Raporti i plotë i Policisë:

Policia e Kosovës në vazhdën e veprimeve aktive për luftimin e dukurive negative dhe veprave penale në vend pas pranimit të informacioneve relevante se disa persona të dyshuar kanë regjistruar firma fiktive të biznesit pa ndonjë aktivitet afarist me qëllim “ mashtrimi” ka ndermarr disa veprime për të sqaruar rrethanat dhe në bashkërendim me prokurorinë kompetente në Gjilan janë kryer hetime respektive.

Marr parasyshë hapsirën e shtrirjes se aktivitetit të dyshuar, në rajonin e Mitrovicës, Prishtinës dhe Gjilanit, nga Drejtoria për Hetimin e Krimeve Ekonomike dhe Korrupsionit, rajoni i Gjilanit dhe rajoni i Mitrovisës Jugu, sot është realizuar arestimi i dy personave të dyshuar, nën dyshimin për kryerjen e veprës penale ‘mashtrim”.

Personat e dyshuar, të arrestuar janë:

• S.D; (1982) mashkull/serb, shtetas i Serbisë dhe
• S.S; (1967) mashkull serb/Kosovar

Ndërsa, si prova material janë konfiskuar (13) trembëdhjetë telefona (Samsung Galaxy A80) dhe një automjet.

Me vendim të prokurorit kompetent dy pesonat e dyshuar janë ndaluar për 48 orë për procedura të mëtejme ligjore. /IndeksOnline/